Premjer Słavienii pačyściŭ bucy hulcam svajoj zbornaj
Takoje abiacańnie (što kali Słavienija pieramoža i trapić na čempijanat śvietu) jon daŭ napiaredadni pieršaj stykavaj sustrečy.
Paśla pieramohi zbornaj Słavienii nad Rasijaj u matčy adboračnaha turniru da čempijanatu śvietu‑2010 (1:0) premjer‑ministr hetaj alpijska-bałkanskaj krainy Borut Pachar strymaŭ słova i pačyściŭ bucy słavienskich futbalistaŭ.
Takoje abiacańnie (što kali Słavienija pieramoža i trapić na čempijanat śvietu) jon daŭ napiaredadni pieršaj stykavaj sustrečy, jakaja prajšła ŭ Maskvie 14 listapada i skončyłasia pieramohaj rasijan ź likam 2:1.
«Ja tolki što pačyściŭ bucy hulcoŭ, — skazaŭ Pachar u intervju słavienskamu telebačańniu adrazu ž paśla vychadu z raspranalni zbornaj.
— Praŭda, nie ŭpeŭnieny, što zrabiŭ heta jakasna».