Terarysty źbiralisia ŭzarvać samaloty ŭ najbližejšyja dzień-dva
U palicyi zajaŭlajuć, što siarod aryštavanych -- usie kiraŭniki hrupy, jakaja planavała terakty. Bomby jany źbiralisia sabrać prosta na borcie samalotu ź biaskryŭdnych na vyhlad vadkich kampanentaŭ.
Pra heta paviedamiła ahienctva «Rojtar» sa spasyłkaj na krynicy ŭ brytanskich słužbach biaśpieki. Siońnia, 10 žniŭnia, byli aryštavanyja bolš za 20 čałaviek. U palicyi kažuć, što siarod ich znachodziacca ŭsie kiraŭniki hrupy, jakaja planavała terakty. Bomby jany źbiralisia sabrać prosta na borcie samalotu ź biaskryŭdnych na vyhlad vadkich kampanentaŭ.
U mnohich aeraportach śvietu prymajucca ŭzmocnienyja zachady biaśpieki, u Vialikabrytanii pasažyraŭ nie prapuskajuć u samalot ź lubymi sumkami. Ich treba zdavać u bahaž. Pažadana brać tolki pašpart, bilet, partmanet.
Zabaroniena pranosić z saboj zubnuju pastu, kremy i ježu, a taksama noŭtbuki i mabilniki. Mnohija rejsy adkładzieny albo pieraniesieny. U Vialikabrytanii «teraktavaje papiaredžańnie» zakranuła kala 400 tys. čałaviek.
Miž inšym, londanski aeraport «Chitroŭ» źjaŭlajecca trecim u śviecie aeraportam pa kolkaści pieraviezienych pasažyraŭ i hruzaŭ (paśla Atlanty i Čykaha). Štohod praź jaho terminały prachodziać 68 młn pasažyraŭ, a štodnia tut pryziamlajecca kala 1250 samalotaŭ.
Pavodle zamiežnaje presy