U Biarozie mužčyna pravaliŭsia ŭ kałodziež. Dvojčy za miesiac
I jaho dvojčy vyzvalali ratavalniki.
Ilustracyjnaje fota MNS
Apošni incydent adbyŭsia 24 lipienia. Paviedamleńnie ratavalnikam pastupiła ŭ 21:15 ad susieda, jaki pačuŭ kryki paciarpiełaha, piša BiełTA.
64-hadovy mužčyna sprabavaŭ dastać viadro, jakoje ŭpała ŭ kałodziež, spatyknuŭsia i ŭpaŭ. Rabotniki MNS dastali piensijaniera z kałodzieža i pieradali bryhadzie chutkaj dapamohi. Z ahulnym pieraachaładžeńniem arhanizma jaho špitalizavali ŭ balnicu.
Charakterna, što takim čynam hora-haspadara ratujuć užo druhi raz. Anałahičny vypadak ź im zdaryŭsia 15 lipienia. Tady jamu na dapamohu taksama pryjšli rabotniki MNS.
Čytajcie taksama:
U Miorskim rajonie mužčynu dastavali z 8-mietrovaha kałodzieža