U Niamieččynie biełarus z 2,38 pramile pryparkavaŭ hruzavik
Zdareńnie adbyłosia ŭ minułuju niadzielu.
Ilustracyjnaje fota
U niamieckaj ziamli Ciurynhii 42-hadovy biełarus staviŭ svaju furu na parkoŭku, znachodziačysia ŭ stanie ałkaholnaha apjanieńnia. Pra heta paviedamlaje sajt «Biełaruś i śviet» sa spasyłkaj na miascovuju palicyju.
Dniom u niadzielu 23 lipienia palicejskich vyklikali na stajanku «Ciurynhier-Biekien» na trasie a71 pad Erfurtam. Vidavočca paviedamiŭ, što hruzavik niekalki razoŭ ździajśniaŭ manieŭry, sutykajučysia z aharodžami i śmiećcievym bakam.
Kali pravaachoŭniki prybyli na miesca, infarmacyja paćvierdziłasia. Pryčyna niaŭdałych manieŭraŭ była vyjaŭlenaja nieŭzabavie: ałkatest pakazaŭ najaŭnaść u arhaniźmie našaha suajčyńnika 2,38 pramile ałkaholu.
Niezaležna ad taho, ci stajaŭ transpartny srodak u vyniku pravilna, ci nie, dalejšaja pajezdka na im kiroŭcu była zabaronienaja. Mužčynu adpravili ŭ balnicu dla ŭziaćcia probaŭ kryvi.