Pucin znoŭ zajaviŭ, što Polšča źbirajecca zachapić Zachodniuju Ukrainu
Taksama jon adznačyŭ, što jość płany stvareńnia polska-litoŭska-ŭkrainskich padraździaleńniaŭ, kab raźmiaścić ich na miažy ź Biełaruśsiu.
Uładzimir Pucin. Fota: Contributor / Getty Images
Uviadzieńnie polskich sił na terytoryju Ukrainy stanie pačatkam dałučeńnia zachodnieŭkrainskich ziamiel da Polščy. Pra heta zajaviŭ Uładzimir Pucin, adkazvajučy na pytańni žurnalistaŭ.
«Jość idei ŭviadzieńnia peŭnych polskich padraździaleńniaŭ u šyrokim płanie dla biaśpieki [va Ukrainie], bo ŭsich vyhrabajuć u ramkach mabilizacyjnych mierapryjemstvaŭ, ale treba ž padtrymlivać paradak i dyscyplinu. Ale kali heta adbudziecca, to heta stanie pačatkam šlachu zachopu zachodnich terytoryj Ukrainy na karyść Polščy», — schłusiŭ prezident Rasii.
Taksama jon adznačyŭ, što jość płany stvareńnia polska-litoŭska-ŭkrainskich padraździaleńniaŭ, kab raźmiaścić ich na miažy ź Biełaruśsiu. Pucin padkreśliŭ, što bačyć u hetych idejach pahrozu nacyjanalnaj biaśpiecy Ukrainy, piša TASS.
Pucin nahadaŭ, što dumki pra dałučeńnie terytoryi Zachodniaj Ukrainy ŭ skład Polščy nikoli nie pakidajuć polskuju elitu. «Dumaju, usie razumiejuć, što heta małaimavierna, ale ŭ [hałovach] polskaj palityčnaj elity takaja ideja vielmi žyvučaja i nikoli [ich] nie pakidaje. Hetyja płany vielmi viadomyja», — skazaŭ kiraŭnik Rasii.
Pry hetym, jak padkreśliŭ jon, palaki naŭrad ci pahodziacca z tym, što im nieabchodna addać svaje zachodnija ziemli Niamieččynie pa vynikach Druhoj suśvietnaj vajny.
Čytajcie taksama: