U rasijskim Damadziedavie ŭspychnuŭ mocny pažar
U Damadziedavie, za 10 kiłamietraŭ ad aeraporta, prahrymieli vybuchi, paśla jakich pačaŭsia pažar.
U rasijskim horadzie Damadziedava Maskoŭskaj vobłaści nočču 10 žniŭnia prahrymieli vybuchi, paśla čaho ŭspychnuŭ mocny pažar, paviedamlajuć rasijskija ŚMI.
Jak paviedamlaje «Astra» sa spasyłkaj na słovy vidavočcaŭ, u Damadziedavie prahrymieli vybuchi, paśla jakich pačaŭsia pažar. Infarmacyju ab mocnym pažary ŭ Damadziedavie paćviardžajuć inšyja rasijskija pabliki.
«RIA Naviny» napisała sa spasyłkaj na rehijanalnaje MNS, što haryć aŭtaservis na płoščy 1 tys. kv. m.
Rasijski Telegram-kanał «Shot» śćviardžaje, spasyłajučysia na miascovych žycharoŭ, što pryčynaj pažaru staŭ vybuch bałonaŭ z hazam.