U Połacku aktyvista buduć sudzić pa dosyć redkim artykule
Mikałaja Mašarskaha abvinavačvajuć u abrazie Łukašenki (č. 1 art. 368 KK) i nieadnarazovym parušeńni paradku arhanizacyi ci praviadzieńnia masavych mierapryjemstvaŭ (art. 342-2 KK). Pa apošnim artykule sudzili tolki troch čałaviek, źviartaje ŭvahu «Viasna».
Artykuł 342-2 Kryminalnaha kodeksa adnosna novy, jon dziejničaje z 18 červienia 2021 hoda. Alaksandr Kutas — biazdomny i były palitźniavoleny — pieršy asudžany pa im. Taksama pa im sudzili palitźniavolenaha kulturnaha mieniedžara Uładzimira Bułaŭskaha i Andreja Kunceviča.
Mikałaj Mašarski rodam z Rasonaŭ. Jaho nieadnarazova sudzili za «niesankcyjanavany pikiet», a ŭ sakaviku 2022 hoda mužčynu aryštavali na 20 sutak za zakliki da ŭdziełu ŭ akcyi pratestu 27 lutaha. Jaho zatrymlivała doma piaciora siłavikoŭ u broniekamizelkach.
Padtrymajcie Mikałaja pasyłkaj, listom, hrašovym pieravodam ci telehramaj: SIZA-2, Haharyna 2, 210026, Viciebsk, Mikałaj Mikałajevič Mašarski.
Čytajcie taksama:
Minčuk, jaki ŭdzielničaŭ u pratestach, napisaŭ jaŭku z pavinnaj, bo atrymlivaŭ pahrozy