Viaźnia pierazatrymali na «chimii» i asudzili na dva z pałovaj hady kałonii ŭ tym liku i za abrazu milicyjanta
U sudzie Ivanaŭskaha rajona 25 žniŭnia asudzili Viktara Mielechava pavodle art. 369 (abraza pradstaŭnika ŭłady), č. 1 art. 328 (niezakonny abarot narkatyčnych srodkaŭ i psichatropnych rečyvaŭ). Sudździa Hienadź Kudłasievič pryznačyŭ mužčynu dva z pałovaj hady kałonii i štraf 11 100 rubloŭ, piša «Viasna».
Sud Ivanaŭskaha rajona. Fota: spring96.org
21 krasavika ŭ sudzie Centralnaha rajona Minska Uładzimira ŭžo sudzili pa tych ža samych artykułach. Tady mužčynu pryznačyli čatyry hady abmiežavańnia voli z nakiravańniem u papraŭčuju ŭstanovu adkrytaha typu («chimija») i štraf 7400 rubloŭ. Uładzimir paśpieŭ častkova adbyć pakarańnie.
Z sudovaj pastanovy vynikaje, što Uładzimira pierazatrymali na «chimii», kab uzmacnić jamu pakarańnie. Mužčyna ŭtrymlivajecca pad vartaj ź dziasiataha lipienia 2023 hoda.
Uładzimira abvinavacili ŭ tym, što jon piataha lipienia 2021 hoda pakinuŭ abraźlivy kamientar u telehram-kanale «Karniki Biełarusi» ŭ adras majora milicyi S. u Ivanavie. Milicyjant u 2020 hodzie zajmaŭsia «achovaj hramadskaha pravaparadku», jon datyčny da razhladu administracyjnych spraŭ, jakija masava zavodzili na biełarusaŭ za ŭdzieł u pratesnych akcyjach.
Čytajcie taksama:
U Breście druhi raz sudzili eks-palitviaźnia. Ale praces achutany tajamnicami
Minčuka asudzili na dva z pałovaj hady kałonii za pierasyłku videa vajskovaj techniki