Milicyjaniery ŭ Iŭi arhanizavali estafietu ź dziŭnymi konkursami
Siońnia ŭ Iŭi prachodzić kambinavanaja milicejskaja estafieta. U joj biaruć udzieł padraździaleńni milicyi Hrodzienskaj vobłaści, kamandy słužby kanvoju, DAI i AMAPa.
Skryn videa
Estafieta składajecca ź niekalkich etapaŭ. Adzin ź ich — likvidavańnie pieraškody ŭ vyhladzie niaspraŭnaha transpartnaha srodku. Na hetym etapie ŭdzielniki estafiety šturchajuć milicejski UAZik, zaŭvažyŭ reform.by.
Padčas jašče adnaho etapu milicyjaniery biehali ź dźviuma draŭlanymi skryniami.
Udzielniki taksama spaborničali ŭ stralbie ź vintoŭki, pieranoscy paranienych, spynieńni biesparadkaŭ, kidańni hranaty, fihurnym kiravańni viełasipiedam, zborcy aŭtamata i pistaleta.
Metaj mierapryjemstva arhanizatary nazyvajuć «zhurtavańnie kalektyvaŭ pravaachoŭnikaŭ u ramkach samych raznastajnych spabornickich aśpiektaŭ, jakija mohuć sustrakacca ŭ paŭsiadzionnaj dziejnaści milicyjanieraŭ».