Siońnia nočču rasijskija vojski atakavali Ukrainu dronami-kamikadze «Šachied-136/131»
Usie bieśpiłotniki, pavodle danych USU, byli źniščanyja ŭkrainskaj SPA.
Źbity «Šachied». Fota: palicyja Kijeva
Jak paviedamlajuć Pavietranyja siły Ukrainy, ataka viałasia z paŭdniova-ŭschodniaha napramku z Prymorska-Achtarska ŭ Krasnadarskim krai. Byli zafiksavanyja puski 17 udarnych dronaŭ, jakija pa roznych maršrutach ruchalisia ŭ napramku Chmialnickaj vobłaści.
Usie bieśpiłotniki, pavodle danych USU, byli źniščanyja ŭkrainskaj SPA.
Jak piša vydańnie «Strana», rasijskaja ataka, vierahodna, była nacelenaja na horad Starakanstancinaŭ. Tam znachodzicca vajskovy aeradrom, na jakim u tym liku bazirujucca samaloty, jakija mohuć zapuskać rakiety Storm Shadow i Scalp.