U Biełaviežskaj puščy sfatahrafavali alenia-albinosa
Albinizm — heta pryrodžanaja i redkaja mutacyja.
Fota: Nacyjanalny park «Biełaviežskaja pušča»
Nie tak daŭno ŭ fotapastku «trapiŭsia» niezvyčajny žychar Biełaviežskaj puščy — aleń-albinos. Albinizm — heta pryrodžanaja i redkaja mutacyja. U žyvioł-albinosaŭ adsutničaje fiermient tyrazinaza, dziakujučy jakomu adbyvajecca sintez miełaninu — rečyva, ad jakoha zaležyć afarboŭka tkanak.
Albinizm u pryrodzie byvaje jak poŭny, tak i častkovy. Pry poŭnym albiniźmie ŭ žyvioł blednaja skura, biełaja poŭść i čyrvonyja vočy. Čaściej takoje nazirajecca ŭ ciepłakroŭnych žyvioł (ptuški i mlekakormiačyja), čym u chaładnakroŭnych (reptylii, ryby), paviedamlajecca na sajcie zapaviednika.