Narviežskaja ministarka, jakaja zmahałasia sa studenckim machlarstvam, sama spłahijaciła svaju mahistarskuju
Ministarka navuki i vyšejšaj adukacyi Narviehii Sandra Borch 19 studzienia pajšła ŭ adstaŭku paśla taho, jak ŚMI vyjavili płahijat jaje mahistarskaj pracy pa pravie, abaronienaj u 2014 hodzie va Univiersitecie Tromsio.
Sandra Borch. Fota: Wikimedia Commons
Raniej u toj ža samy dzień narviežski veb-sajt E24 apublikavaŭ šyrokija vytrymki, słova ŭ słova skapijavanyja Borch ź dźviuch inšych mahistarskich dysiertacyj pa zakanadaŭstvie 2005 i 2009 hadoŭ.
«Kali ja pisała mahistarskuju dysiertacyju 10 hadoŭ tamu, ja zrabiła vialikuju pamyłku (…) Ja ŭśviedamlaju, što nie mahu sumiaścić heta z adkaznaściu za narmatyŭnuju bazu ekzamienaŭ», — zajaviła Borch na terminova sklikanaj pres-kanfierencyi.
Palityk pryznała, što ŭ jaje pracy moža być bolš zapazyčanych frahmientaŭ, i admoviłasia adkazvać na pytańni. Premjer-ministr Narviehii Jonas Har Stere abviaściŭ, što prymaje jaje adstaŭku.
Cikava, što 35-hadovaja Sandra Borch, jakaja raniej zajmała pasadu ministarki sielskaj haspadarki, była viadomaja svajoj žorstkaj pazicyjaj suprać studenckaha machlarstva.
Čytajcie taksama:
Pahladzicie, jak vyhladaje turma Brejvika. Narviežski teraryst skardzicca na ŭmovy
Narviehija dazvoliła svaim kampanijam napramuju pradavać uzbrajeńnie Ukrainie