Žetony na stancyi mietro «Puškinskaja» ciapier pradaje aŭtamat
KUP «Minski mietrapaliten» vyrašyła zrabić test aŭtamatu vydačy žetonaŭ (AVŽ).
Pra heta paviedamiŭ načalnik słužby ruchu mietro Ryhor Jakimkaŭ.
«Ekśpierymient prachodzić na stancyi «Puškinskaja». Tut pastavili aŭtamat.
Jon maje detektar — pryjmovuju pryładu, jakaja vydaje žetony na uniesienuju pasažyram sumu»,— raspavioŭ surazmoŭca.
Novy elektronny kasir nie naležyć mietro. Jaho ŭstanaviła pryvatnaja firma, jakaja prapanuje staličnaj padziemcy takija pryłady.
«Kančatkovaje rašeńnie pra ŭstanoŭku aŭtamataŭ na ŭsich stancyjach mietro budzie prymacca paźniej
z ulikam ich zapatrabavanaści ŭ pasažyraŭ i metazhodnaści», — dadaŭ Ryhor Jakimkaŭ.
Aŭtamaty dla vydačy žetona dziejničajuć na stancyjach mietro ŭ mnohich haradach SND. U kijeŭskim mietro, naprykład, ustanoŭlena kala sotni AVŽ.