U Rasii ŭ śpis zamiežnych ahientaŭ unieśli telehram-kanały «Niezyhaŕ» i Brief

Telehram-kanały abvinavačvajuć u raspaŭsiudzie niedakładnych źviestak pra rasijskija ŭłady.

Telehram-kanały «Niezyhaŕ», Brief i «Brief.Važnoje» ŭniesienyja ŭ Rasii ŭ śpis zamiežnych ahientaŭ.

Takoje rašeńnie pryniaŭ rasijski Miniust. Kanały abvinavacili ŭ raspaŭsiudzie infarmacyi zamiežnych ahientaŭ, a taksama niedakładnych źviestak pra rašeńni dziaržaŭnaj ułady ŭ Rasii.

Brief taksama abvinavacili ŭ raspaŭsiudzie infarmacyi, jakaja farmuje niehatyŭny vobraz rasijskaj armii.

Cikava, što hetyja kanały majuć reputacyju prakramloŭskich. «Niezyhaŕ» publikavaŭ u tym liku insajdy z uładnych kabinietaŭ. Pra mierkavanych uładalnikaŭ ananimnaha kanała vialisia sprečki, ale jaho źviazvali ź blizkimi da administracyi Pucina ludźmi.

Brief, jaki źjaŭlajecca ŭ tym liku ahrehataram pastoŭ ź inšych kanałaŭ, aktyŭna pościć u tym liku mierkavańni Z-vajenkaraŭ i pravajennych błohieraŭ pra vajnu va Ukrainie. Pry hetym na kanale źjaŭlajucca pasty i błohieraŭ, pryznanych zamiežnymi ahientami.

Kamientary da artykuła