Niamieckaja presa: Rammstein — vorah dziaržavy №1 u Biełarusi
U suviazi sa skandałam vakoł kancertu hurtu ŭ Minsku, niamieckija ŚMI pryhadali Biełarusi ŭsio — apošniaha dyktatara Jeŭropy, zakon pra Internet i zabaronu raśpićcia piva na vulicach.
U suviazi sa skandałam vakoł kancertu hurtu ŭ Minsku, niamieckija ŚMI pryhadali Biełarusi ŭsio — apošniaha dyktatara Jeŭropy, zakon pra Internet i zabaronu raśpićcia piva na vulicach.
«Rammstein — vorah dziaržavy №1. Biełaruś tryvožycca», «Rammstein abvieščanyja voraham dziaržavy ŭ Biełarusi», «Zanadta žorstkija dla Biełarusi». Takimi zahałoŭkami adhuknulisia na skandał vakoł kancertu Rammstein u Biełarusi niamieckija i šviejcarskija ŚMI. Słovy staršyni Hramadskaj rady pa maralnaści Mikałaja Čarhinca pra toje, što niamiecki hurt moža razburyć biełaruskuju dziaržaŭnaść pracytavali Die Zeit, Stern, Sueddeutsche Zeitung, Bild dy inšyja. Źmiest artykułaŭ u niamieckaj presie pryblizna adnolkavy: karotki pierakaz zajavy Čarhinca ad 22 lutaha, a taksama karotkaja infarmacyja pra siońniašniuju Biełaruś. «Biełaruśsiu kiruje Alaksandar Łukašenka, jakoha nazyvajuć «apošnim dyktataram Jeŭropy». (…) Biełaruskija ŭłady ŭ apošni čas uzmacnili kantrol nad Internetam. (…) Taksama ŭ 2009 hodzie była zasnavanaja Kamisija pa marali (Hramadskaja rada — nn.by) dla krytyki, padaŭleńnia svabody samavyjaŭleńnia. Naziralniki padazrajuć, što ŭłady aktyvizavali svaje dziejańni suprać inšadumcaŭ, tamu što Łukašenka ŭ čarhovy raz budzie ŭdzielničać u prezidenckich vybarach», — piša Die Zeit. A n-tv.de da hetaj infarmacyi dadaje, što ŭ Biełarusi niadaŭna byŭ pryniaty zakon pra zabaronu ŭžyvańnia piva na vulicach.