U Vilni budzie pamiatnaja šylda Bahuševiča
Pra heta paviedamiŭ Juraś Jurkievič, staršynia Tavarystva biełaruskaj movy Vilenskaha kraju.
Pamiatnaja šylda ŭ honar Franciška Bahuševiča budzie adčynienaja sioleta ŭ Vilni ŭ starym horadzie. Pra heta paviedamiŭ Juraś Jurkievič, staršynia Tavarystva biełaruskaj movy Vilenskaha kraju.
«Hetym razam heta naš supolny čyn ź biełaruskaj dziaržavaj, — adznačyŭ Jurkievič. — Spadziajemsia, što heta budzie nie apošniaja naša sumiesnaja praca ź dziaržavaj pa adradžeńni biełaruskich miaścinaŭ nie tolki ŭ Vilni, ale i va ŭsich krainach Bałtyi».
U Vilni Francišak Bahuševič, baćka sučasnaj biełaruskaj nacyi i adzin z pačynalnikaŭ biełaruskaj litaratury, doŭhija hady pracavaŭ advakatam i žyŭ na vulicy Konnaj, a vilenski pieryjad byŭ samym plonnym u tvorčaści litaratara.
U litoŭskaj stalicy ŭžo visić 10 miemaryjalnych tablicaŭ pryśviečanych dziejačam Biełarusi, čyj los byŭ źviazany ź Vilniaj. Siarod ich šyldy Francišku Skarynu, Kastusiu Kalinoŭskamu, Janku Kupału i Ryhoru Šyrmie. Zazvyčaj biełaruskija šyldy ŭ Vilni robiacca na dźviuch movach: pa-litoŭsku i pa-biełarusku.