Lavon Volski: «Ramštajn» musić syhrać dla Čarhinca

Viadomy muzyka kamientuje pasažy hienierała.

Hramadskaja rada pa maralnaści prapanuje zrabić papiaredni prahon prahramy viadomaha niamieckaha hurta Rammstein, uzhadnić jaje, «kab nie było prapahandy amaralnaści i hvałtu na minskaj scenie». Z takoj inicyjatyvaj vystupiŭ hienierał Mikałaj Čarhiniec.

Lavon Volski: Pa‑mojmu, usio łahična. Jakaja dziaržava, takija i paradki. Chacia, dumaju, dla Rammstein heta było b vielmi cikava dać admysłovy kancert dla kamisii Čarhinca. Z hetaha ŭsiaho možna było b zrabić dobry pijar, skarystać u svaich metach. Źniać klip, jak kamanda hraje na admysłovaj scenie, a pierad imi siadziać z surjoznymi tvarami členy kamisii. Uziać abaviazkova intervju ŭ Mikałaja Čarhinca. Praz šmat hadoŭ jany buduć uspaminać u svaich miemuarach i intervju pra taki kancert. Ničoha padobnaha ŭ ichnim žyćci dakładna nie było i nie budzie. A dla ŭładyki Fiłareta ŭvohule lepš nie hladzieć takoje šou.

«NN»: A sami jak staviciesia da tvorčaści Rammstein?

ŁV: Ja nie mahu nazvać siabie vialikim prychilnikam hetaha hurta. Heta dobraja art‑kamanda, jakaja ŭ niejkaj stupieni zrabiła sabie imia na pravakacyjach. Ale hrupie, jakaja hraje papularnuju muzyku, niemahčyma biez pravakacyj. Z hetaha jany pačynali, i praciahvajuć ciapier. Ja surjozna dumaŭ, što kancert zabaroniać, bo na vystupach Rammstein vykarystoŭvajecca fajer‑šou, a ŭ nas takoje nie pryniataje. Ale voś znajšli, jak padyści ź inšaha boku.

«NN»: Moža, taksama pojdziecie na kancert?

ŁV: U nas jość kvitki na vialiki fest, što adbudziecca ŭ mai ŭ Niamieččynie. Tam siarod inšych budzie i Rammstein. Dumaju, što tam huk budzie lepšy, dyk čaho raźmieńvacca na «Minsk‑Arenu».

Kamientary da artykuła