U Polščy zatrymali biełarusa pa padazreńni ŭ sprobie padpału ŭ Hdańsku
Heta jašče adno zatrymańnie ŭ rasśledavańni dziejnaści arhanizavanaj złačynnaj hrupy, jakaja pa daručeńni zamiežnych śpiecsłužbaŭ ździajśniała akty sabatažu.
6 listapada supracoŭniki Ahienctva ŭnutranaj biaśpieki zatrymali ŭ Varšavie hramadzianina Biełarusi, jaki padazrajecca ŭ sprobie padpału abjekta, raźmieščanaha ŭ Hdańsku.
Heta jašče adno zatrymańnie ŭ rasśledavańni dziejnaści arhanizavanaj złačynnaj hrupy, jakaja pa daručeńni zamiežnych śpiecsłužbaŭ ździajśniała akty sabatažu, u pryvatnaści padpały.
U studzieni i mai hetaha hoda ABV zatrymała hramadzian Polščy, Ukrainy i Biełarusi, adkaznych za padpały abjektaŭ na terytoryi Hdańska, Hdyni i Mareka, jakija taksama rychtavalisia da padpałaŭ abjektaŭ na terytoryi Urocłava.
Prakuratura vystaviła zatrymanamu ŭ Varšavie biełarusu abvinavačvańni va ŭdziele ŭ arhanizavanaj złačynnaj hrupie mižnarodnaha charaktaru i ździajśnieńnie dyviersij i sabatažu albo złačynstvaŭ terarystyčnaha charaktaru ad imia zamiežnaj raźviedki. Mužčynu aryštavali na try miesiacy.