U partuhalskim aeraporcie tydzień nie moža vylecieć samalot. Ź jaho źbiehli 130 chamiakoŭ
Samalot Airbus zatrymaŭsia ŭ Ponta-Delhada na Azorskich vyspach. Kamandy techničnaha absłuhoŭvańnia sprabujuć złavić apošnich ŭciekačoŭ, paviedamlaje Correio da Manhã.
Fota: Direitos Reservados
Samalot staić tam ź minułaha aŭtorka, paśla taho jak 132 chamiaki źbiehli z kantejnieraŭ, u jakich ich transpartavali, i akazalisia ŭ trumie. Kamandy techničnaha absłuhoŭvańnia ŭžo niekalki dzion namahajucca złavić usich žyvioł, što nie dazvalaje samalotu viarnucca ŭ Lisabon z-za pytańniaŭ biaśpieki.
Na subotu, 16 žyvioł, zdolnych paškodzić elektryčnyja kabieli, usio jašče byli na voli ŭnutry Airbus 320.
Samalot vylecieŭ ź Lisabonya ŭ Ponta-Delhada z pasažyrami, bahažom i taksama zakazam dla zaamahazina: bolš za sotniu chamiakoŭ, barsukoŭ i niekalki ptušak. Ale kali samalot pryziamliŭsia, kamandy pa zbory bahažu zaŭvažyli, što kantejniery byli paškodžany, i hryzuny svabodna biehali.