Łukašenka ŭziaŭsia za lon
Alaksandr Łukašenka nastojvaje na terminovaj madernizacyi vytvorčaściej lonu ŭ krainie. Pra heta jon zajaviŭ siońnia, naviedvajučy Aršanski lnokambinat.
Kiraŭnik dziaržavy daručyŭ u samyja karotkija terminy ŭstanavić na aršanskim pradpryjemstvie novaje abstalavańnie. Dla hetaha pavinien być sproščany paradak jaho zakupki. Kamitetu dziaržkantrolu daručana prakantralavać efiektyŭnaść pracesu zakupki abstalavańnia.
Akramia taho, Alaksandr Łukašenka daručyŭ pavialičyć dziaržzakaz na lnopradukcyju.
Prezident byŭ prainfarmavany, što tolki kala 20 pracentaŭ pradukcyi, što vypuskajecca na lnokambinacie, apracoŭvajecca pa vysokich standartach jakaści.
Łukašenka vykazaŭ ćviorduju ŭpeŭnienaść, što lnavodčaja halina i vytvorčaść pradukcyi ź lonu ŭ Biełarusi mohuć i pavinny być kankurentazdolnymi. «Mianie pierakonvali, što my nie možam na naležnym uzroŭni vyroščvać jačmień, a potym pierakanalisia, što heta całkam mahčyma. Mnie havaryli, što ŭ Biełarusi nie atrymajecca vyroščvać jakasny burakovy cukar, a siońnia heta stratehičny rezierv. Upeŭnieny, mienavita hetak ža i ź lonam», — adznačyŭ kiraŭnik dziaržavy. Pavodle jaho słoŭ, źnižeńnie jakaści lnosyraviny niedapuščalnaje