Imihranty, jakija pryvoziać kapitał u Biełaruś, na 5 hadoŭ vyzvalacca ad padachodnaha padatku
Imihranty, jakija pryvoziać kapitał u Biełaruś, buduć na piać hadoŭ vyzvalenyja ad padachodnaha padatku. Heta praduhledžana padpisanym prezidentam ukazam №143 «Ab asobnych pytańniach padatkaabkładańnia».
Jak paviedamili ŭ pres‑słužbie kiraŭnika dziaržavy, hetym narmatyŭnym aktam uniesieny šerah źmien u prezidenckija ŭkazy, jakija rehulujuć padatkovuju śfieru.
Tak, bazavyja staŭki adzinaha padatku ź indyvidualnych pradprymalnikaŭ i inšych fizičnych asob ustanoŭleny ŭ biełaruskich rublach zamiest dziejnych ciapier u jeŭra, što dazvolić spraścić raźliki płacielščykaŭ hetaha padatku ź biudžetam.
U metach zabieśpiačeńnia ŭ 2010 hodzie dadatkovych pastupleńniaŭ hrašovych srodkaŭ u miascovyja biudžety ŭkazam dadziena prava miascovym savietam deputataŭ pavialičvać (pamianšać), ale nie bolš čym u dva razy, staŭki ziamielnaha padatku i padatku na nieruchomaść asobnym katehoryjam płacielščykaŭ.
Ukazam praduhledžana vyzvaleńnie na praciahu piaci hadoŭ ad abkładańnia padachodnym padatkam dachodaŭ fizičnych asob, jakija pierajechali ŭ Biełaruś na pastajannaje miesca žycharstva, pry ŭmovie pieramiaščeńnia imi hrašovych srodkaŭ u Biełaruś. Da takich dachodaŭ ukazam adniesieny dachody, atrymanyja ad krynic za miežami Biełarusi ŭ vyhladzie dyvidendaŭ, pracentaŭ, rojałci, dachodaŭ pa apieracyjach z kaštoŭnymi papierami, ad realizacyi nieruchomaj majomaści.
Akramia taho, ukazam praduhledžany šerah inšych pałažeńniaŭ, jakija ŭ tym liku zabiaśpiečvajuć pryviadzieńnie terminałohii ŭkazaŭ prezidenta Biełarusi, jakija rehulujuć pytańni padatkaabkładańnia, u adpaviednaść z Padatkovym kodeksam Respubliki Biełaruś.