Uvodziacca časovyja abmiežavańni na prajezd vielikahruznych aŭtamabilaŭ
Časovyja abmiežavańni na prajezd vielikahruznych aŭtamabilaŭ buduć dziejničać na respublikanskich darohach Biełarusi z 20 sakavika pa 20 krasavika.
Jak patłumačyli ŭ pres‑słužbie departamienta «Biełaŭtadar» Mintransa, u viasieńni pieryjad aŭtamabilnyja darohi akazvajucca najbolš biezabaronnymi pierad ciažkimi transpartnymi nahruzkami. Kab zachavać darohi i darožnyja zbudavańni, a taksama zabiaśpiečyć biaśpieku ruchu, i ŭvodziacca časovyja abmiežavańni nahruzak u miežach ad 6 da 9 ton na adzinočnuju voś aŭtamabila.
U «Biełaŭtadary» patłumačyli, što pieralik daroh z abmiežavańniami dapuščalnych nahruzak składzieny pa vynikach dyjahnostyki: abmiežavańni buduć uviedzieny na kankretnych učastkach daroh u adpaviednaści ź ich stanam.
Adnak na asnoŭnych maršrutach ruchu tranzitnaha transpartu abmiežavańni ŭvodzicca nie buduć.
Heta darohi M‑1/Je‑30 Brest (Kazłovičy) — Minsk — miaža Rasijskaj Fiederacyi (Radźki), M‑2 Minsk — Nacyjanalny aeraport Minsk, M‑6 Minsk — Hrodna — miaža Respubliki Polšča (Bruzhi), M‑7 Minsk — Ašmiany — miaža Litoŭskaj Respubliki (Kamienny Łoh), M‑8 Miaža Rasijskaj Fiederacyi (Jeziaryšča) — Viciebsk — Homiel — miaža Ukrainy (Novaja Huta) plus padjezdy da Mahilova i Homiela, M‑9 Kalcavaja daroha vakoł Minska i šerah inšych tranzitnych aŭtatras.
Tradycyjna časovyja abmiežavańni nie buduć raspaŭsiudžvacca na transpartnyja srodki, jakija ažyćciaŭlajuć pieravozki pasažyraŭ, lekavych preparataŭ, haruča‑zmazačnych materyjałaŭ, siemiannoha fondu, žyvych žyvioł, kvietak, pošty i paštovych hruzaŭ, skorapsavalnych hruzaŭ i hruzaŭ humanitarnaj dapamohi, a taksama pieravozki, źviazanyja z papiaredžańniem ci likvidacyjaj nadzvyčajnych situacyj.
U «Biełaŭtadary» adznačyli, što biez uliku časovych abmiežavańniaŭ mahčymyja taksama peŭnyja vidy pieravozak (jany ahavorany ŭ pastanovie), ale pry ŭmovie atrymańnia śpiecyjalnaha dazvołu na prajezd.
Na darohach u adpaviednaści z abmiežavańniami, jakija ŭvodziacca, ustanoŭleny časovyja darožnyja znaki, a za pieramiaščeńniem hruzavoha transpartu ažyćciaŭlajecca žorstki kantrol. Zhodna z zakanadaŭstvam, pieravozčyki niasuć adkaznaść za paškodžańni daroh, vyklikanyja rucham transpartu z parušeńniem abmiežavańniaŭ.
Jak adznačyli ŭ «Biełaŭtadary», pa miery hatoŭnaści aŭtadaroh da propusku ciažkavahavych transpartnych srodkaŭ abmiežavańni buduć zdymacca. «Heta značyć, mahčyma, na šerahu aŭtatras termin ich dziejańnia skarocicca ŭ zaležnaści ad kankretnaj situacyi. U toj ža čas pry nieabchodnaści mahčymaje i dadatkovaje abmiežavańnie masy i nahruzak u hety pieryjad», — patłumačyli ŭ pres‑słužbie departamienta.