U Zavodskim rajonie zatrymali złačyncaŭ, jakija krali piensii
Śledčym adździaleńniem papiaredniaha rasśledavańnia Zavodskaha RUUS Minska raspačata sprava pa č. 2 art. 209 Kryminalnaha kodeksa (machlarstva) u dačynieńni da hrupy maładych ludziej, jakija na praciahu niekalkich miesiacaŭ vykradali hrošy sastarełych ludziej paśla atrymańnia imi piensij.
Jak paviedamili ŭ HUUS Minharvykankama, na vačach u sastarełaha čałavieka ź ziamli padymaŭsia nibyta zhubleny kimści kašalok. Dalej adzin z machlaroŭ prapanoŭvaŭ piensijanieru raździalić zdabyču, u hety momant źjaŭlaŭsia jaho saŭdzielnik. Zatym sutnaść dziejańniaŭ zvodziłasia da taho, kab vymusić sastarełaha čałavieka pieradać svaje hrošy nibyta dla pieraliku, padčas jakoha častka kupiur «załomvałasia» i zastavałasia ŭ ruce złačynca.
Tolki z pačatku hetaha hoda ŭ Zavodskaje RUUS źviarnulisia piaciora paciarpiełych. Dva złačyncy ŭžo apaznanyja. Ciapier praviarajecca dačynieńnie zatrymanych da anałahičnych złačynstvaŭ, učynienych u inšych rajonach horada.