Biełaruski žurnalist – adzin z najlepšych błohieraŭ śvietu
Na mižnarodnym konkursie błohaŭ The BOBs u finał vyjšaŭ błoh Viktara Mališeŭskaha.
Na mižnarodnym konkursie błohaŭ The BOBs u finał vyjšaŭ błoh biełaruskaha žurnalista Viktara Mališeŭskaha.
Jon pretenduje na zvańnie najlepšaha błoha na rasiejskaj movie. Konkurs pravodzicca miedyjakampanijaj Deutsche Welle užo ŭ šosty raz.
Jak adznačana na sajcie konkursu, «u svaim błohu Mališeŭski trapna i z humaram kamientuje palityčnyja realii sučasnaj Biełarusi, jakija niaredka miažujuć z absurdam. Utapičnaść zajavaŭ aficyjnych uładaŭ jon, u pryvatnaści, demanstruje analizam aficyjnaj ža statystyki».
Najlepšyja błohi buduć vyznačanyja ŭ adzinaccaci moŭnych katehoryjach, a taksama ŭ šaści mižnarodnych: najlepšy błoh, najlepšy videabłoh, najlepšy padkast, pryz arhanizacyi «Reparciory bieź miežaŭ», śpiecyjalny pryz «Prablemy źmienaŭ klimatu» i «Samy niezvyčajny błoh».
15 sakavika pačałosia onłajn-hałasavańnie, jakoje praciahniecca da 14 krasavika. U kožnaj katehoryi buduć vyznačanyja pa dva pieramožcy: najlepšy błoh pavodle viersii internet-karystalnikaŭ (vyniki onłajn-hałasavańnia) i najlepšy błoh pavodle viersii žury.
Pieramožcy The BOBs 2009/2010 buduć abvieščanyja 15 krasavika na ŭračystaj cyrymonii.