Indyjskija daktary padčas padrychtoŭki pacyjentki da apieracyi vyjavili novuju hrupu kryvi

U štacie Karnataka na poŭdni Indyi miedyki padčas abśledavańnia 38-hadovaj pacyjentki, jakoj rychtavali apieracyju na sercy, vyjavili raniej nieviadomy antyhien kryvianych kletak, paviedamlaje vydańnie The Hindu.

Novaja hrupa kryvi atrymała aficyjnuju nazvu CRIB, dzie CR aznačaje «Kromier», a IB — Indyja, Banhałor. Fota: Getty Images/iStockphoto

Žančynie spačatku vyznačyli zvyčajnuju hrupu kryvi — pieršuju stanoŭčuju, ale nijakaja z prob kryvi z takoj ža hrupaj nie padyšła dla pieralivańnia. Zapadozryŭšy, što ŭ žančyny moža być redkaja abo navat novaja hrupa kryvi, lekary pravieryli analiz u dvaccaci jaje svajakoŭ, adnak sumiaščalnaha donara nie znajšli.

Kab razabracca ŭ prablemie, uzory kryvi adpravili ŭ niekalki łabaratoryj. U vyniku navukoŭcy paćvierdzili, što znojdzieny absalutna novy antyhien, jaki raniej nie sustrakaŭsia ŭ śviecie. Jaho ŭnieśli ŭ najaŭnuju sistemu hrup kryvi Cromer. Adkryćcio pradstavili ŭ červieni na mižnarodnym kanhresie pa pieralivańni kryvi ŭ Miłanie.

Niekatoryja śpiecyjalisty miarkujuć, što źjaŭleńnie takoj redkaj formy moža być źviazana z častaj praktykaj u Indyi šlubaŭ pamiž svajakami, što spryjaje hienietyčnym mutacyjam.

Kamientary da artykuła