Afera na miljard dalaraŭ
U Maskvie supracoŭnikami pa baraćbie z arhanizavanaj złačynnaściu MUS kala svajoj kvatery byŭ zatrymany 30-cihadovy biełaruski biznesoŭviec Jury Krejdzič. Jon padazrajecca ŭ kantrabandzie bytavoj techniki i kamputaraŭ z Polščy na 1 młrd. dalaraŭ.
U Maskvie supracoŭnikami pa baraćbie z arhanizavanaj złačynnaściu MUS kala svajoj kvatery byŭ zatrymany 30-hadovy biełaruski biznesoŭca Jury Krejdzič. Jon padazrajecca ŭ kantrabandzie bytavoj techniki i kamputaraŭ z Polščy na 1 młrd. dalaraŭ. Krejdzič nia pieršy hod dahetul znachodziŭsia ŭ mižnarodnym vyšuku.
Biełaruskija mytniki kažuć, što Krejdzič ad 2000 h. zajmaŭsia pastaŭkaj kantrabandnych tavaraŭ u Rasieju z Polščy praz našu krainu. Taksama adznačajecca, što Krejdziču ŭ jahonaj dziejnaści dapamahali niekatoryja supracoŭniki mytnaj słužby «Zachodni Buh», tamu nia vyklučana, što ŭžo bližejšym časam Biełaruś moža čakać jašče adzin bujny mytny skandał.
Milicyjanty padličyli, što za šeść hadoŭ kursavańnia Krejdziča miž Varšavaj i Maskvoj straty biełaruskaha boku skłali kala 1 miljarda dalaraŭ. Apošnija hady Krejdzič, viedajučy, što na Radzimie suprać jaho zaviedziena kryminalnaja sprava žyŭ na absalutna lehalnym stanoviščy ŭ stalicy Rasiei. Jahonaja firma zajmałasia handlem biełaruskimi tavarami.
Ciapier Krejdzič znachodzicca pad vartaj u Maskvie, ale ŭžo ŭ najbližejšy čas jon budzie pieradadzieny biełaruskim pravaachoŭnikam.
Skandał u čarhovy raz stavić pad sumnieŭ efektyŭnaść mytnaha supracoŭnictva z Rasiejaj, kali adziny działok zmoh zarabić na kantrabandnych tavarach stolki hrošaj. Uźnikaje taksama pytańnie: čamu biznesoviec byŭ aryštavany tolki zaraz, kali Maskva viedała ab jahonym isnavańni ŭžo dosyć daŭno i ci nie źviazany aryšt Krejdziča u šyrejšym kantekście z prodažam «Biełtranshazu» i novymi cenami na błakitnaje paliva.