Centralizavanaje testavańnie kruhły hod

Z takoj prapanovaj vystupiŭ ministr adukacyi.

Ministerstva adukacyi Biełarusi razhladaje mahčymaść arhanizacyi centralizavanaha testavańnia na praciahu hoda. Pra heta na adkryćci respublikanskaj navukova-praktyčnaj kanfierencyi «Rola piedahoha ŭ pracy z adoranaj moładździu» 20 maja ŭ Minsku paviedamiŭ ministr adukacyi Alaksandr Radźkoŭ.

Pa jaho słovach, arhanizacyja CT na praciahu hoda źniała b nahruzku na abituryjentaŭ, źniziła b čerhi na rehistracyju i inšyja pytańni. «Čamu ŭ Anhlii možna zdać test na pastupleńnie ŭ studzieni, a ŭ nas treba zdavać try ŭ červieni?» — zadaŭsia pytańniem ministr. U zachodnich krainach, praciahnuŭ Radźkoŭ, «nichto navat nie viedaje pra terminy ŭstupnaj kampanii», tady jak u Biełarusi heta adna z samych hałoŭnych tem.

Na dumku ministra adukacyi, testy možna było b raspracavać za kurs 10-ci kłasaŭ, kab CT mahli zdavać usie žadajučyja, uklučna z vypusknikami hetaha hoda.

Nahadajem, rehistracyja na CT u Biełarusi prachodzić z 3 maja pa 1 červienia. Testavańnie startuje 14 červienia i praciahniecca da 1 lipienia. U hetym hodzie 55 biełaruskich VNU płanujuć pryniać 102,7 tysiačy abituryjentaŭ na ŭsie formy navučańnia.

Kamientary da artykuła