U Rahačovie vypuskajuć małako z cytatami Karatkieviča
Biełarus pakazaŭ u Threads, što na butelcy rahačoŭskaha małaka na advarotnym baku nadrukavany ŭryvak z narysa Uładzimira Karatkieviča «Ziamla pad biełymi kryłami», zaŭvažyła Budzma.org.
Krynica: www.threads.com
«Nad usioj našaj krainaj, nastaviŭšy biełyja vietrazi kryłaŭ, płanirujuć busły. Ich mnohija i mnohija tysiačy — chto ličyŭ? Na vilčykach sialanskich chat, na drevach, na kałonach starych razburanych pałacaŭ, na słupach kaplic siarod maładoha zialonaha žyta. Hniozdy paŭsiul. I tamu mnie zdajecca, što ŭ hetyja — i nie tolki ŭ hetyja — dni ziamlu našu, Biełaruś, možna nazvać «ziamloju pad biełymi kryłami».
U kamientaryjach ludzi taksama adznačajuć, što taki samy nadpis jość i na kiefiry ad Rahačoŭskaha MKK. Inšyja ž źviartajuć uvahu na peŭny dysanans:
«Z adnaho boku «Rohačiov'», a z druhoha — cytata Karatkieviča».