U «Vialikim kamni» zamachnulisia na budaŭnictva samaha vialikaha ŭ Jeŭropie abjekta
U horadzie Čančžou (Kitaj) było dasiahnutaja damoŭlenaść pamiž SZAA «Kampanija pa raźvićci industryjalnaha parka», kitajskaj inžyniernaj karparacyjaj SAMS i kampanijaj Jiangsu Hippo Technologies ab budaŭnictvie ŭ industryjalnym parku «Vialiki kamień» u Smalavickim rajonie sistemy ačystki daždžavych ściokaŭ, paviedamlajecca na sajcie industryjalnaha parka.
Fota: industrialpark.by
Pry realizacyi prajekta płanujecca vykarystoŭvać sučasnyja infiltracyjnyja modulnyja technałohii. Abjom śpiecyjalnych reziervuaraŭ składzie bolš za 50 tysiač kubamietraŭ. Heta dazvolić daždžavoj vadzie paśla ačystki naturalna ŭbiracca ŭ hrunt.
Śćviardžajecca, što pa maštabach i ŭzroŭni ačystki takija zbudavańni mohuć stać najbujniejšymi ŭ Jeŭropie. Budaŭnictva pavinna pačacca ŭ mai 2026 hoda, a ŭvieści sistemu ŭ ekspłuatacyju płanujuć u pieršaj pałovie 2027-ha.
Čytajcie taksama:
Piekin vydzielić Minsku dapamohu ŭ 300 miljonaŭ juaniaŭ
Nazvali siaredni zarobak u «Vialikim kamieni» i biełaruskich SEZ
Bankrutuje zavod kampazitnych kanstrukcyj. U jaho chacieli ŭkłaści 220 miljonaŭ jeŭra
Novuju chutkasnuju čyhunku ŭ minski aeraport pačnuć budavać užo sioleta