Vyjšaŭ na svabodu palitviazień Dzianis Bołtuć. Jon całkam adbyŭ šaścihadovy termin
Stała viadoma pra vyzvaleńnie 35‑hadovaha palitviaźnia Dzianisa Bołtucia, jakoha zatrymali jašče 25 vieraśnia 2020 hoda. Jon byŭ asudžany da 6 hadoŭ źniavoleńnia ŭ kałonii va ŭmovach uzmocnienaha režymu.
Dzianis Bołtuć. Fota: «Viasna»
Dzianis Bołtuć byŭ zatrymany ŭ jakaści padazravanaha 25 vieraśnia 2020 hoda ŭ miežach spravy ab masavych biesparadkach. Paźniej jamu vystavili abvinavačvańnie pa č. 1 art. 342 Kryminalnaha kodeksa — «Hrupavyja dziejańni, jakija hruba parušajuć hramadski paradak».
21 kastryčnika 2020 hoda pravaabaroncy pryznali Dzianisa Bołtucia palitviaźniem.
Napačatku lutaha 2021 hoda stała viadoma, što Bołtuciu taksama vystavili abvinavačvańnie pa č. 2 art. 293 KK (udzieł u masavych biesparadkach) i pa art. 364 KK (hvałt albo pahroza hvałtu ŭ dačynieńni da milicyi).
2 lipienia 2021 hoda jon byŭ asudžany na 6 hadoŭ kałonii ŭzmocnienaha režymu. Termin adbyvaŭ u kałonii № 2 u Babrujsku.