U restaranie «Mak.baj» na zahad Łukašenki pierajmienavali amierykana. Jak nazvali?
Padčas naviedvańnia restarana «Mak.baj» u Minsku 8 sakavika Alaksandr Łukašenka zahadaŭ pierajmienavać kavu amierykana. Amal adrazu restaran uziaŭsia za spravu.
Fota: Kakabaj
Padčas demanstracyi Łukašenku pracy aparata samaabsłuhoŭvańnia ŭ restaracyi sietki «Mak.baj» u Minsku dyrektarka sietki Viktoryja Dańko stała dziela prykładu zakazvać praź jaho kavu amierykana.
Łukašenka, pačuŭšy nazvu amierykana, adreahavaŭ:
«Amierykana treba pierajmienavać u biełaruski brend. U dužkach pakul pišy «amierykana», a kali zvyknuć, tady…»
Užo praź niekalki dzion u «Mak.baj» pačali vybirać novuju nazvu dla amierykana, kab jana była biełaruskaj.
I voś vynik — novaja nazva — «Naša kava».