ZŠA zdoleli ŭratavać svajho piłota sa źbitaha samalota ŭ Iranie. Ale byŭ jašče i druhi

Pavodle paviedamleńnia kanała CBS News, adnaho ź piłotaŭ amierykanskaha źniščalnika F-15, jaki byŭ źbity nad Iranam, udałosia vyratavać. Infarmacyja padajecca sa spasyłkaj na nienazvanych amierykanskich čynoŭnikaŭ.

Samalot F-15E. Zdymak ilustracyjny. Fota: Wikimedia Commons

Piłota, jak paviedamlajecca, znajšli žyvym amierykanskija śpiecpadraździaleńni. Pakolki samalot F-15E źjaŭlajecca dvuchmiesnym, pošukava-vyratavalnaja apieracyja praciahvajecca — jość jašče adzin člen ekipažu, jakoha praciahvajuć šukać.

U hetych pošukach taksama ŭdzielničaje Izrail, jaki pieradaje raźviedvalnyja danyja, što dapamahaje vyśvietlić mahčymaje miescaznachodžańnie jašče nie znojdzienaha lotčyka.

Pres-sakratarka prezidenta ZŠA Donalda Taksama Kerałajn Levit paviedamiła, što jaho prainfarmavali pra incydent sa źbitym samalotam.

Raniej źjaviłasia infarmacyja, što Iran upieršyniu z pačatku kanfliktu zmoh źbić amierykanski źniščalnik F-35. Jon nibyta byŭ źbity ranicaj 3 krasavika nad centralnymi rajonami krainy. Adnak paźniej zachodnija ekśpierty, vyvučyŭšy apublikavanyja fatahrafii abłomkaŭ, pryjšli da vysnovy, što havorka idzie nie pra F-35, a pra inšuju madel — F-15.

U Iranie zrabili ekstranaje ŭklučeńnie pa ŭsich dziaržaŭnych televizijnych kanałach, padčas jakoha prapanavali hrošy za hałavu amierykanskaha piłota, jaki paśpieŭ katapultavacca.

Kamientary da artykuła