Paźniak nazvaŭ, kiraŭnictva jakoj krainy samaje varožaje dla Biełarusi paśla Rasii
«I Łukašenka tut ni pry čym».
Zianon Paźniak. Fota: Naša Niva
Vieteran biełaruskaha ruchu Zianon Paźniak piša, što pa stupieni varožaści da Biełarusi na pieršym miescy, «zrazumieła, staić rasijskaja palityka». Ale na druhim, na jaho dumku, — «sučasnaje kiraŭnictva Letuvy».
«Jano nastolki addana vykonvaje brusielska-niamieckija pažadańni suprać Biełarusi, što dzivu daješsia. Jeŭropa (asabliva Hiermanija) zaŭsiody vykarystoŭvała prybałtyjskija krainy ŭ svaich intaresach, i «prybałtam» nie było kudy padziecca (jak i ciapier)», — piša jon.
Ale ciapier jość Amieryka, sučasnaja administracyja jakoj, pavodle Paźniaka, «adekvatna razumieje hieapalityčnuju rolu Biełarusi ŭ Jeŭropie, i kiroŭnamu isteblišmientu sučasnaha kiraŭnictva Letuvy padkazali, što treba rabić u dačynieńni da Biełarusi i čaho nie treba rabić», — zaznačaje jon.
Palityk piša, što litoŭskija palityki «da hetaha času rabili pamyłku ŭ dačynieńni da biełaruskaj niezaležnaj demakratyi». Što heta, jon nie tłumačyć.
Jon abiacaje paźniej raskazać pra realnyja pryčyny napružanych adnosin Litvy ź Biełaruśsiu. «I Łukašenka tut ni pry čym», — zajaŭlaje jon.