Novy kanał STB taksama vydalili ź Jutuba
CTVPLUS pratrymaŭsia paśla źniknieńnia asnoŭnaha kanała piać dzion.
Jutub zabłakavaŭ novy kanał Staličnaha telebačańnia — CTVPLUS.
U paviedamleńni STB havorycca, što novy kanał nibyta vydaleny ź Jutuba praz sankcyi. Pry hetym adznačajecca, što ni Staličnaje telebačańnie, ni jaho kiraŭnictva nie znachodziacca pad sankcyjami.
«Paśla vydaleńnia 3 krasavika YouTube-kanała CTVBY praz sankcyi novy kanał pačaŭ nabirać prahlady i aŭdytoryju», — narakaje pres-słužba i nazyvaje heta «čarhovym prykładam zachodniaj palityki ŭ dačynieńni da svabody słova».
3 krasavika z YouTube vydalili kanały BiełTA, STB i ANT. Pryčyny błakavańnia dakładna nieviadomyja.