Samaja papularnaja madel aŭtamabila «Biełdžy» budzie madernizavanaja

Dyrektar pradpryjemstva «BiełDžy» Hienadź Śvidzierski padčas pryjomu na zavodzie premjer-ministra Biełarusi Alaksandra Turčyna paviedamiŭ, što samaja papularnaja madel brenda — krasovier Belgee X50 — atrymaje abnoŭlenuju viersiju pad nazvaj X50+.

Belgee X50. Fota: belgee.by

Madernizavanaja madel budzie adroźnivacca pieradusim novaj elektronikaj i čatyrochcylindravym ruchavikom. Pavodle słoŭ kiraŭnika pradpryjemstva, usie nieabchodnyja vyprabavańni ŭžo praviedzieny, i aŭtamabil hatovy da sieryjnaj vytvorčaści.

Belgee X50 zastajecca samaj masavaj madellu kampanii i karystajecca popytam jak u Biełarusi, tak i ŭ Rasii, tamu jaje abnaŭleńnie ličycca važnym krokam dla vytvorcy.

Akramia hetaha, na pradpryjemstvie praciahvajecca raźvićcio vytvorčaści. Pačynajecca druhi etap budaŭnictva zavoda, u miežach jakoha płanujuć stvaryć ułasny cech štampoŭki. Zaviaršyć hety etap chočuć da 2027 hoda.

Uvohule ž kampanija niadaŭna vyvieła na rynak novuju madel haradskoha krasoviera i praciahvaje pašyrać svaju liniejku aŭtamabilaŭ.

Kamientary da artykuła