U Minsku nieadekvatny mužčyna razhramiŭ dziciačy sad
U adnym ź dziciačych sadoŭ Minska ŭnačy adbyŭsia incydent: nieviadomy mužčyna niezakonna pranik u budynak i ŭčyniŭ tam pahrom, paviedamlaje Dziaržaŭny kamitet sudovych ekśpiertyz.
Paśla pastupleńnia paviedamleńnia na miesca nieadkładna vyjechała śledča-apieratyŭnaja hrupa razam z ekśpiertam-kryminalistam. Padčas ahladu byli znojdzienyja i kanfiskavanyja ślady abutku.
U vyniku apieratyŭna-vyšukovych mierapryjemstvaŭ pa padazreńni byŭ zatrymany 28‑hadovy žychar Minska, raniej sudzimy. Na momant zatrymańnia jon znachodziŭsia ŭ stanie narkatyčnaha apjanieńnia.
U miežach rasśledavańnia była pryznačana sudovaja trasałahičnaja ekśpiertyza (daśledavańnie śladoŭ i ich pachodžańnia). Ekśpiert supastaviŭ ślady ź miescy zdareńnia sa śladami na abutku padazravanaha i ŭstanaviŭ, što jany pakinuty mienavita jaho krosoŭkami.
Heta dazvoliła paćvierdzić jaho datyčnaść da ździejśnienaha złačynstva. Na mužčynu zaviali kryminalnuju spravu.
Čytajcie taksama:
Biełarusa zatrymali na Bali z narkotykami: jamu pahražaje pažyćciovaje źniavoleńnie
Minčuk kupiŭ narkotyki, ale zabrać ich nie paśpieŭ. Ale jamu ŭsio roŭna pahražaje termin