Apple vydaliła z App Store miesiendžar Telega
Nieaficyjny klijent Telegram pad nazvaj Telega źnik z kramy prykładańniaŭ App Store. Prykładańnie aktyŭna prasoŭvałasia jak alternatyva aryhinału ŭ časy błakavańnia miesiendžara Paŭła Durava.
Aficyjnaja pryčyna vydaleńnia pakul nie ahučana. Ekśpierty ličbavaj biaśpieki daŭno papiaredžvali pra niebiaśpieku hetaha prajekta.
Hałoŭnaja pretenzija ŭ tym, što Telega zajmałasia pierachoplivańniem karystalnickaha trafiku. Heta aznačaje, što ŭładalniki servisu mieli techničnuju mahčymaść bačyć usiu aktyŭnaść karystalnikaŭ, u tym liku bieśpieraškodna čytać pryvatnuju pierapisku.
Akramia prablem z pryvatnaściu, žurnalisty-rasśledvalniki vyjaŭlali ščylnyja suviazi raspracoŭščykaŭ z rasijskim chołdynham VK.
Heta davała padstavy ličyć, što miesiendžar byŭ stvorany nie dla abychodu cenzury, a dla centralizavanaha zboru źviestak pra internet-karystalnikaŭ.