Na miažy z Ukrainaj adkryli kompleks jašče adnoj pamiežnaj zastavy
U Brahinskim rajonie adkryli novy kompleks pamiežnaj zastavy «Hdzień». Heta samaja paŭdniovaja zastava Biełarusi na miažy z Ukrainaj, paviedamlaje pres-słužba Homielskaha abłvykankama.
Fota: t.me/gomel_region_gov
Choć sama zastava pačała pracavać jašče ŭ listapadzie 2022 hoda, ciapier dla jaje pabudavali sučasny infrastrukturny kompleks.
Padraździaleńnie kantraluje kala 15 kiłamietraŭ suchaputnaj miažy Biełarusi i Ukrainy. Asablivaść hetaha ŭčastka ŭ tym, što jon znachodzicca adnosna blizka da Čarnobylskaj AES — prykładna za 30 kiłamietraŭ. Pobač taksama raźmieščany Paleski radyjacyjna-ekałahičny zapaviednik, choć uzrovień radyjacyi na terytoryi samoj zastavy ličycca biaśpiečnym.
Fota: t.me/gomel_region_gov
Novy kompleks uklučaje ŭsio nieabchodnaje dla słužby: pamiaškańni dla pražyvańnia, abjekty dla trenirovak, miescy dla ramontu i zachoŭvańnia techniki, a taksama hadavalnik dla słužbovych sabak.
Sam učastak miažy abstalavany sučasnymi srodkami achovy: inžyniernymi zaharodami, sistemami nazirańnia i kantrolu, u tym liku z vykarystańniem vałakonna-aptyčnych technałohij.
Čytajcie taksama:
U Makranach na miažy z Ukrainaj adkryli novuju pamiežnuju zastavu
U biaźludnaj zonie adčužeńnia na Homielščynie pačali budavać niekalki vyšak suviazi