Uščent pjany žychar Šumilina vychapiŭ u milicyjaniera pistalet i sprabavaŭ strelić jamu ŭ hałavu
Zbroja dała zboj.
Pozna ŭviečary 16 krasavika ŭ Šumilina za chulihanstva zatrymali ŭščent pjanaha miascovaha žychara — 2 pramile. Jon paprasiŭ vyklikać chutkuju dapamohu i ŭ supravadžeńni supracoŭnika milicyi pajechaŭ u balnicu.
Tam jon pasvaryŭsia ź miedrabotnikami. A ŭ niejki momant pačałasia tuzanina ź milicyjanieram. Na videa vidać, jak spakojna nazirajuć za hetym miedyki.
Pjany mužčyna zabraŭ u milijacyjaniera pistalet, nakiravaŭ zbroju jamu na hałavu i nacisnuŭ na spuskavy kručok.
Streł pa niejkich pryčynach nie adbyŭsia.
Milicyjanier vybiŭ zbroju z ruk napadnika, toj kinuŭsia na ŭcioki. Urešcie jaho zatrymali.
Zaviedziena kryminalnaja sprava za zamach na zabojstva supracoŭnika milicyi.