Teraryst Anders Brejvik źmianiŭ imia
Teraryst Anders Brejvik źmianiŭ svajo hučnaje imia. Ciapier jaho zavuć Jan Jochansen — heta samaja raspaŭsiudžanaja kambinacyja imia i proźvišča ŭ Narviehii, piša «Jeŭrapiejskaja praŭda».
Anders Brejvik. Fota: GettyImage
Źmiena była aficyjna zaćvierdžana ŭ nacyjanalnym rejestry.
Pavodle danych narviežskaha statystyčnaha ŭpraŭleńnia, u kancy 2025 hoda 599 čałaviek mieli imia i proźvišča Jan Jochansien.
Heta nie pieršy raz, kali Brejvik mianiaje imia. Raniej jon byŭ zarehistravany jak Far Skałdzihrym Rauskjołdr af Nartryk, a da taho — jak Fjotalf Chansen.
Jaho advakat nie staŭ kamientavać hetuju źmienu, a taksama matyvy vybaru novaha imia.
Anders Brejvik uvajšoŭ u historyju jak vykanaŭca adnaho z samych śmiarotnych teraktaŭ u Jeŭropie. Jon zabiŭ 77 čałaviek padčas napadaŭ na vostravie Utoja i ŭ Osła 22 lipienia 2011 hoda.
U žniŭni 2012 hoda jaho pryhavaryli da samaha surovaha pakarańnia ŭ Narviehii — 21 hod turmy.