Vyzvaleny rasijski archieołah Buciahin znoŭ źbirajecca ŭ Krym
Alaksandr Buciahin, jakoha vyzvalili ŭ vyniku niadaŭniaha abmienu pamiž Polščaj i Biełaruśsiu, viarnuŭsia ŭ Sankt-Pieciarburh, paviedamlaje telekanał «Dožd́».
U intervju «Viestiam» jon zajaviŭ pra žadańnie znoŭ pajechać na raskopki ŭ anieksavany Krym: «Dumaju, što tak [viarnusia]. Pytańnie ciapier staić chutčej pra toje, ci paśpieju ja arhanizavać ekśpiedycyju da leta, tamu što tam nieabchodna jašče dasłać spravazdačy. Dumaju, raboty pavinny być praciahnutyja.
Potym jon paćvierdziŭ svajo viartańnie ŭ Krym, a taksama zajaviŭ, što ŭ Jeŭropu najbližejšym časam jon nie pajedzie: Dumaju, što heta było b nieabačliva ŭ najbližejšym časam. Rana ci pozna, kali hetaja historyja skončycca, moža być. Ale ciapier treba mocna padumać i prakansultavacca. Ciapier ja budu da hetaha vielmi ŭvažlivy, bo ŭražańniaŭ mnie chapiła.
Buciahin byŭ zatrymany ŭ Polščy ŭ listapadzie 2025 hoda na zapyt Ukrainy. Jaho abvinavačvali ŭ razhrableńni ŭkrainskich nacyjanalnych kulturnych kaštoŭnaściaŭ z-za raskopak u Krymie.
U sakaviku 2026 hoda polski sud uchvaliŭ jaho ekstradycyju ŭ Ukrainu, adnak na hetym tydni Buciahina vyzvalili ŭ vyniku abmienu.