Chedłajnieram kancerta ŭ Minsku ŭ Dzień Pieramohi stanie Aleh Hazmanaŭ
Minharvykankam anansavaŭ śviata z rasijskim akcentam — hałoŭnym artystam na śviacie stanie prychilnik Pucina i vajny suprać Ukrainy Aleh Hazmanaŭ.
Jak paviedamlaje Minharvykankam, hałoŭnyja hulańni 9 maja projduć kala Pałaca sportu. U šou prymuć udzieł biełaruskija i rasijskija vykanaŭcy, a chedłajnieram stanie Aleh Hazmanaŭ.
Hazmanaŭ — apantany prychilnik Uładzimira Pucina. Śpiavak udzielničaje ŭ prakramloŭskich patryjatyčnych kampanijach, vystupaje ź pieśniami «dla frontu» i padtrymlivaje rasijskuju ahresiju suprać Ukrainy. Za padtrymku rasijskaha ŭvarvańnia jon trapiŭ pad zachodnija sankcyi.