Prezident Finlandyi: Niama nivodnaj armii ŭ Jeŭropie ci navat u ZŠA, zdolnaj vieści vajnu tak, jak ukrainskaja
Jeŭropie varta havaryć nie pra toje, čaho Ukraina choča ad jaje, a pra toje, jak Ukraina moža dapamahčy Jeŭropie, zajaviŭ prezident Finlandyi Alaksandr Stub na sumiesnaj pres-kanfierencyi z prezidentam Čechii Pietram Paviełam u Prazie.
Alaksandr Stub. Fota: AP Photo/Thomas Padilla
«Niama nivodnaj armii ŭ Jeŭropie ci Złučanych Štatach, darečy, jakaja zdolnaja vieści sučasnuju vajnu tak, jak heta robić zaraz Ukraina», — skazaŭ Alaksandr Stub.
Pa jaho słovach, Jeŭropie treba havaryć nie pra toje, čaho Ukraina choča ad jaje, a pra toje, jak Ukraina moža dapamahčy Jeŭropie. Jon padkreśliŭ, što Ukraina budzie zastavacca jeŭrapiejskaj dziaržavaj navat paśla vajny, a Rasija zastaniecca najbolšaj pahrozaj biaśpiecy Jeŭropy.
«Kali b u mianie siońnia było tolki adno pasłańnie, dyk zamiest taho, kab kazać pra toje, što Ukrainie treba ad Jeŭropy, mahčyma, nam varta pačać dumać pra toje, što nam u Jeŭropie treba ad Ukrainy… My ŭ Jeŭropie pavinny pazbavicca dumki, što tolki my dapamahajem Ukrainie», — padkreśliŭ prezident Finlandyi.
Stub adznačyŭ, što z samaha pačatku byŭ prychilnikam členstva Ukrainy ŭ Jeŭrasajuzie i NATA. Jon dadaŭ, što zaraz u Jeŭropie jość prykładna 2 miljony vajskoŭcaŭ, u Rasii — 1,3 miljona, a va Ukrainie — 800 tysiač.
Čytajcie taksama:
Zialenski anansavaŭ reformu USU: zarobki piechacincaŭ vyrastuć da 9 tysiač dalaraŭ