Tramp pryhraziŭ uładam Irana źniščeńniem, kali Tehieran atakuje amierykanskija karabli
U vypadku napadu na luby amierykanski karabiel, jaki ŭdzielničaje ŭ apieracyi «Svaboda», ZŠA źniščać iranskaje kiraŭnictva, zajaviŭ prezident ZŠA Donald Tramp u intervju žurnalistu Fox News Treju Inhstu.
Donald Tramp. Fota: Win McNamee/Getty Images
«Kali irancy pasprabujuć nacelicca na amierykanskija karabli ŭ rehijonie, my satrom ich z tvaru ziamli», — pryvodzić Inhst słovy Trampa ŭ paniadziełak.
Akramia taho, Tramp padkreśliŭ, što Iran nibyta staŭ «značna bolš zhavorlivym» na pieramovach.
Raniej jon zajaviŭ, što z paniadziełka ZŠA buduć akazvać dapamohu sudnam, zabłakavanym u Armuzskim pralivie, jakija buduć sprabavać pakinuć jaho. Tramp adznačyŭ, što havorka idzie pra sudny krain, jakija nie majuć dačynieńnia da kanfliktu Vašynhtona i Tehierana.
Prezident ZŠA padkreśliŭ, što hetyja sudny nie viernucca ŭ Armuzski praliŭ da taho času, pakul nie budzie vyrašany iranski kryzis.
Čytajcie taksama:
Tramp nazvaŭ nieprymalnym mirny płan Irana
Tramp abviaściŭ pra vyvad zabłakavanych u Armuzskim pralivie zamiežnych sudnaŭ
Tramp nie choča nasić broniekamizelku z estetyčnych mierkavańniaŭ i nie tolki