Partuhalija źmianiła zakon ab hramadzianstvie. Zaraz dla jaho atrymańnia nieabchodna pražyć u krainie dziesiać hadoŭ
Prezident Antoniu Žaze Siehuru padpisaŭ papraŭki, jakija, u tym liku, unosiać źmieny ŭ zakon ab hramadzianstvie.
Budynak parłamienta Partuhalii. Fota: Santiago Urquijo / Getty Images
Ciapier dla padačy zajavy na atrymańnie partuhalskaha pašparta nieabchodna pražyć u krainie 10 hadoŭ. Raniej hety termin składaŭ piać hadoŭ.
Dla hramadzian partuhałamoŭnych krain, takich jak Brazilija, Anhoła abo Mazambik, hety termin taksama pavialičvajecca — ź piaci da siami hadoŭ.
Raniej deputaty taksama ŭchvalili inšy zakonaprajekt, jaki zabaraniaje zamiežnikam zapytvać vid na žycharstva ŭnutry krainy. Raniej zamiežnik moh pryjechać u Partuhaliju z turystyčnymi metami, a zatym źmianić ich, padaŭšy zajaŭku na DNŽ.
Akramia taho, zakonam uvodzicca termin pražyvańnia ŭ krainie dla ŭźjadnańnia ź siamjoj.
Kali raniej zamiežniki mahli padać zajavu na ŭźjadnańnie adrazu paśla atrymańnia DNŽ, to ciapier dla hetaha nieabchodna pražyć u Partuhalii dva hady.