U krasaviku biełarusy nabyli rekordnuju kolkaść novych mašyn

U Biełarusi ŭ krasaviku 2026 hoda zafiksavany rekordny rost prodažaŭ novych aŭtamabilaŭ. Pavodle danych Biełaruskaj aŭtamabilnaj asacyjacyi, dylery realizavali kala 6,7 tysiačy lehkavych mašyn — heta na 17% bolš, čym u sakaviku.

Zdymak ilustracyjny

Asabliva prykmietnaja tendencyja — rost papularnaści ekałahičnaha transpartu. Amal pałova ŭsich prodažaŭ (kala 2,8 tysiačy aŭto) pryjšłasia na elektramabili i hibrydy. U cełym ich dola na rynku dasiahnuła 43%, a kožny treci pradadzieny aŭtamabil — całkam elektryčny.

Značnuju rolu ŭ hetym syhraŭ ajčynny vytvorca «Biełdžy», jaki ŭstanaviŭ ułasny rekord: u krasaviku było pradadziena kala 1600 elektryfikavanych aŭtamabilaŭ. Najbolš papularnaj madellu staŭ elektrachetčbek Geely EX2 — 740 pradadzienych mašyn.

U cełym dola aŭtamabilaŭ miascovaj vytvorčaści nabliziłasia da dźviuch tracin rynku, što značna bolš, čym hod tamu. Adnačasova dola impartnych aŭto pastupova źmianšajecca.

Kamientary da artykuła