Usie litoŭskija fury źbirajucca vypuścić ź Biełarusi da kanca maja
U Dziaržaŭnym mytnym kamitecie Biełarusi zajavili, što da kanca maja z krainy, vierahodna, vyjeduć amal usie hruzaviki ź litoŭskaj rehistracyjaj, jakija raniej byli pa palityčnych mierkavańniach zatrymanyja na biełaruskaj terytoryi.
Zdymak ilustracyjny. Fota: Lookby.media
Jak śćviardžajecca, na siońnia Biełaruś užo pakinuli kala 1,7 tysiačy litoŭskich hruzavikoŭ. Zastałosia krychu bolš za 200 mašyn — heta prykładna 12% ad pieršapačatkovaj kolkaści.
Z vosieni 2025 hoda Biełaruś utrymlivała hruzaviki ź litoŭskaj rehistracyjaj u adkaz na zakryćcio miažy z boku Litvy. Na śpiecyjalnyja placoŭki prymusova źmiaścili, pa danych biełaruskich uładaŭ, bolš za 1,9 tysiačy litoŭskich transpartnych srodkaŭ, u tym liku ciahačy i pryčepy. Niekalki miesiacaŭ im nie dazvalali pakinuć krainu, niahledziačy navat na adkryćcio Litvoj miažy.
Vyjezd hruzavikoŭ staŭ mahčymy z 23 sakavika paśla pieramoŭ pamiž Alaksandram Łukašenkam i śpiecpasłańnikam prezidenta ZŠA Džonam Koŭłam. Kab zabrać transpart, pieravozčyki pavinny apłacić stajanku i zachoŭvańnie aŭtamabilaŭ, choć i pa mienšych rascenkach, čym patrabavałasia ad pačatku.
Čytajcie taksama:
U Litvu ź Biełarusi viarnulisia 679 hruzavikoŭ
Ź Biełarusi ŭžo vyjechali kala 700 litoŭskich hruzavikoŭ, jašče 300 apłacili stajanku
Litoŭskija pieravozčyki raskazali, ci buduć jany ciapier jeździć praź Biełaruś