Akcior Siarhiej Toŭścikaŭ zmahajecca ź ciažkaj chvarobaj
Paśla taho, jak trapiŭ u špital, akcior prosić ab dapamozie.
Siarhiej Toŭścikaŭ na śpiektakli «Cieśla»
Biełaruski akcior Siarhiej Toŭścikaŭ, viadomy pa šmatlikich teatralnych rolach i prajektach «Małanki» dy «Biełsata», sutyknuŭsia z surjoznymi prablemami sa zdaroŭjem. Paśla niadaŭniaj špitalizacyi artyst viarnuŭsia dadomu, adnak jaho stan patrabuje praciahłaha lačeńnia i reabilitacyi, piša Reform.news.
Siarhiej Toŭścikaŭ addaŭ biełaruskamu teatru bolš za 20 hadoŭ. U 2020 hodzie jon abraŭ pryncypovuju pazicyju, što pryviało da straty pracy ŭ Novym dramatyčnym teatry i vymušanaj emihracyi. U Vilni Siarhiej nie tolki praciahnuŭ akciorskuju karjeru, ale i zasnavaŭ dziciačuju teatralnuju studyju «Ŭ nieskładanaje», vychoŭvajučy novaje pakaleńnie biełarusaŭ. Hledačy viedajuć artysta pa śpiektaklach «Biełaja myš», «Cichary», «Cieśla», i tolki ŭ krasaviku Siarhiej ihraŭ na sioletniaj premjery — pastanoŭcy pavodle biełaruskaha falkoru «Čortava dačka».
Adnak ciažkaja fizičnaja praca, jakoj akcior byŭ vymušany zajmacca ŭ pieršyja hady emihracyi — akcior zajmaŭsia zboram mietałakanstrukcyj, kab zabiaśpiečyć žyćcio — adbiłasia na zdaroŭi. Chraničny artryt pierajšoŭ u stadyju abvastreńnia, jakaja supravadžajecca mocnymi bolami.
Naprykancy krasavika Siarhiej Toŭścikaŭ trapiŭ u špital; ciapier jon znachodzicca doma, ale maje patrebu ŭ adnaŭleńni i reabilitacyi. Srodki patrebnyja na leki, kansultacyi śpiecyjalistaŭ i elemientarnaje padtrymańnie žyćcia.
Rekvizity dla dapamohi (Swedbank):
Rachunak: LT04 7300 0101 8047 9833
Atrymalnik: SIARHEI TOUSTSIKAU
Važna: Pry pieravodzie ŭ pryznačeńni płaciažu (Paskirtis) paznačcie: «Na lačeńnie i adnaŭleńnie» abo «Gydimui ir reabilitacijai».