Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
udakładniena
Svaim rodnym horadam u sacsietkach Viktoryja Hrycenka paznačała Łuhansk. Ale šmat hadoŭ jana pražyła ŭ Biełarusi.
Viktoryja Hrycenka z mužam Alaksiejem Haroškam. Fota: «UKantakcie»
Viktoryja Hrycenka (Haroška), žonka dziciačaha treniera Alaksieja Haroški, supravadžała futbalistaŭ-školnikaŭ z Rečycy padčas pajezdki ŭ Hielendžyk (Krasnadarski kraj Rasii). Aŭtobus jechaŭ pa trasie Homiel — Bransk, kali ŭ jaho prylacieŭ dron. Viktoryja zahinuła.
Žančynie było 44 hady. Jaje muž Alaksiej, chutčej za ŭsio, zaraz paranieny i znachodzicca ŭ ciažkim stanie (Rečycki rajvykankam paviedamlaŭ pra špitalizavanaha treniera-vykładčyka).
Alaksiej šmat hadoŭ pracuje ŭ DIUSŠ №2 Rečyckaha rajona — jaho vychavancy rehularna ŭdzielničajuć u roznych spabornictvach i pieryjadyčna zavajoŭvajuć pryzavyja miescy.
Trenier Aleksiej Haroška ź dziećmi. Fota: sacsietki
Svaim rodnym horadam u sacsietkach Viktoryja Hrycenka paznačała Łuhansk. Ale šmat hadoŭ jana pražyła ŭ Biełarusi. Raniej Viktoryja pracavała cyrulnicaj, a paśla pradavačkaj (zhodna z dadzienymi Vielpol).
Viktoryja Hrycenka
U zahinułaj žančyny zastalisia dźvie dački-dvajniaty, im pa 21 hodzie.
26 červienia Viktoryja pavinna była prysutničać na ŭručeńni dypłoma adnoj z dačok. Jana płanavała potym zładzić piknik dla blizkich u honar hetaj padziei.
Čytajcie taksama:
Adno dzicia, što trapiła pad abstreł u Branskaj vobłaści, znachodzicca ŭ ciažkim stanie