Minski transpart piarojdzie na apłatu kartkaj da kanca hoda
Pakul takaja mahčymaść jość tolki na dvuch maršrutach.
Fota: Lookby.Media
Stalica krainy płanuje całkam pierajści na apłatu prajezdu ŭ hramadskim transparcie bankaŭskaj kartaj da kanca hoda, raskazaŭ hiendyrektar «Minsktransa» Kanstancin Hałałobaŭ.
Pakul takaja mahčymaść jość tolki na dvuch maršrutach. Pieryjad testavaj ekspłuatacyi prachodzić na tralejbusnym maršrucie №1, a taksama ŭ aŭtobusach (elektrobusach) №1.
«Hladzim usie niuansy pa sistemie apłaty, dzie, jak, što palepšyć, kab heta stabilna pracavała dla pasažyraŭ, dla trymalnikaŭ kart lubych bankaŭ — jak Respubliki Biełaruś, tak i bankaŭ-nierezidentaŭ», — patłumačyŭ pradstaŭnik «Minsktransa».
Zaraz zakryvajuć asnoŭnaje pytańnie — pa zakupcy adpaviednaha abstalavańnia.